Now Loading

नगरच्या सुदर्शन कोतकरने पटकावला उत्तर महाराष्ट्र कुस्ती चषक

अहमदनगर(प्रतिनिधी)- पाथर्डीत तालुक्यात रंगलेल्या उत्तर महाराष्ट्र कुस्ती चषक स्पर्धेत अहमदनगर मधील सुदर्शन कोतकर याने अंतिम विजेतेपद पटकाविले. अंतिम कुस्तीची लढत सुदर्शन कोतकर (नगर) विरुध्द बाळू बोडखे (नाशिक) यांच्यात लाल मातीच्या आखाड्यात झाली. सव्वा तास चाललेल्या कुस्ती स्पर्धेत कोतकर याने घुटना डावावर बोडखे याला चितपट केले. तर या कुस्ती स्पर्धेत अहमदनगरच्या मल्लांनी मैदान गाजवले.   महाराष्ट्र राज्य कुस्तीगीर परिषदेच्या मान्यतेने अहमदनगर जिल्हा तालीम संघ, संघर्ष योद्धा बबनराव ढाकणे व श्री केदारेश्‍वर सहकारी साखर कारखाना यांच्या संयुक्त विद्यमाने एस.एम. निर्‍हाळी उच्चमाध्यमिक विद्यालयाच्या प्रांगणात कुस्त्यांचा थरार रंगला होता. सकाळ ते संध्याकाळ पर्यंत सहा गटात कुस्त्या रंगल्या होत्या. सर्व कुस्त्या मॅटवर घेण्यात आल्या. शेवटची उत्तर महाराष्ट्र कुस्ती चषक स्पर्धेची कुस्ती लाल मातीत बेमुदत निकाली लावण्यात आली होती. यामधील विजयी मल्लास स्पर्धेचे आयोजक अ‍ॅड. प्रतापकाका ढाकणे यांच्या हस्ते चांदीची गदा व 51 हजार रुपये रोख बक्षिस देण्यात आले. तर उपविजयी मल्ल बाळू बोडखे याला 31 हजार रुपये व चषक तर तृतीय विजेता अनिल ब्राम्हणे याला 21 हजार रोख व चषक देण्यात आले. यावेळी जिल्हा तालीम संघाचे अध्यक्ष पै. वैभव लांडगे, खजिनदार पै. नाना डोंगरे, पाथर्डी तालुका तालीम संघाचे सचिव पै. राजेंद्र शिरसाठ, शहराध्यक्ष नामदेव लंगोटे, मोहन हिरणवाले, ऋषीकेश ढाकणे, अ‍ॅड. सिध्देश ढाकणे, माजी सभापती काशीनाथ लवांडे, पाथर्डी राष्ट्रवादीचे तालुकाध्यक्ष शिवशंकर राजळे, रफिक शेख, सिताराम बोरुडे, नगरसेवक बंडू बोरुडे, डॉ. दिपक देशमुख, लक्ष्मणराव डोंमकावळे, हाजी हुमायुम अत्तार, प्रा. गाडे, गहिनीनाथ शिरसाठ, डॉ. राजेंद्र खेडकर, सतीश मुनोत, कपील अग्रवाल, सुनिल भिंगारे, महादेव आव्हाड, नाशिक जिल्हा तालिम संघाचे अध्यक्ष गोरखनाथ बळकवडे, डॉ. शिवाजी खेडकर, संग्राम शेळके, योगेश रासने, नगरसेवक सुभाष लोंढे, हर्षवर्धन कोतकर, शिवाजी चौधरी, हिरामन वाघ, युवराज पटारे, शांताराम बागुल, गहिनीनाथ शिरसाठ, देवा पवार, बाळासाहेब घुले, विक्रम बारवकर, शिवाजी बडे, रफिक शेख, दिगंबर गाडे, दिगंबर ढवण आदी उपस्थित होते. या स्पर्धेत 48 किलो वजन गटात प्रथम- संकेत सतरकर (नगर), द्वितीय- अंकुश भडांगे नाशिक, तृतीय- वैभव तुपे (नाशिक), 58 किलो वजन गटात प्रथम- पवन ढोन्नर (नाशिक), द्वितीय- शुभम मोरे (नाशिक), तृतीय- महेश शेळके (नगर),  65 किलो वजन गटात प्रथम- सुजय तनपुरे, द्वितीय- भाऊसाहेब सदगीर, तृतीय- अशोक पालवे, 74 किलो वजन गटात प्रथम- महेश फुलमाली (नगर), द्वितीय- संदीप लटके (नगर), तृतीय- आकाश घोडके (नगर), 84 किलो वजन गटात प्रथम- ऋषीकेश लांडे (नगर), द्वितीय- विजय पवार (श्रीगोंदा), तृतीय- विकास गोरे (नगर) यांनी बक्षिसे पटकाविले. कुस्ती स्पर्धा यशस्वी होण्यासाठी एकलव्य परिवाराचे सर्व सहकारी परिश्रम घेत आहे. कुस्ती स्पर्धेचे समालोचन शंकर अण्णा पूजारी यांनी केले. स्पर्धेचे पंच म्हणून गणेश जाधव, संजय डफळ, शुभम जाधव, राहुल कापसे, चेतक बळकवडे, राम यादव, गणपत चुंबळे, सन्नी चौधरी, हरीमाना शिंदे यांनी काम पाहिले. स्पर्धा यशस्वी होण्यासाठी एकलव्य परिवाराच्या सदस्यांनी परिश्रम घेतले.